Ženska juniorska reprezentacija poražena je od Letonije 97:59 (27:20, 29:10, 20:12, 21:17) u drugom meču u razigravanju za plasman od 9. do 18. mjesta na Evropskom prvenstvu B divizije za igračice do 18 godine koje se održava u Strumici (Makedonija). Letonija je vodila od početka meča, a pitanje pobjednika rješila je već nakon prvog poluvremena poslije kojeg je imala 26 poena prednosti - 56:30. Crna Gora u nedjelju (14.15 sati) će igrati protiv Izraela u meču za 13. mjesto na šampionatu.

Nakon pobjede nad Makedonijom u prvom meču razigravanja za plasman od 9. do 18. mjesta na Evropskom prvenstvu B divizije u Strumici, naše juniorke poražene su od Letonije 97:59, pa će u nedjelju protiv Izraela igrati za 13. mjesto na šampionatu.

Letonija je vodila od početka meča, nakon prve četvrtine imala je ''plus sedam'' - 27:20, a pitanje pobjednika rješila je do kraja prvog poluvremena poslije kojeg je vodila 56:30.

I u nastavku meča, Letonija je dominirala u svim segemtnima igre, pa je jedina dilema bila razlika sa kojom će doći do pobjede.

Najefikasnije u našem timu bile su Kristina Raković i Jelena Nikpaljević koje su postigle po 12 poena, a dvocifren učinak imala je još samo Milena Vujačić koja je upisala deset poena.

Crna Gora u nedjelju (14.15 sati) će igrati protiv Izraela u meču za 13. mjesto na šampionatu.